【我的港女老婆】作者疑戴綠帽網民神速起底 女主角Caca急刪Page

撰文:
最後更新日期:

網上大熱漫畫《我的港女老婆》作者Cuson宣布同老婆Caca離婚,成為呢兩日最熱話題,網民議論紛紛,除咗慨嘆網上曬恩愛原來只係假像,更有巴打化身偵探,抽絲剝繭下搵出一個IG 帳戶,直指Caca有外遇導致今次離婚,仲有人改圖將Cuson嘅自畫像變成戴綠帽﹗

有網友慨嘆Cuson剛經歷家人及愛貓離世,依家仲要結束十年婚姻實在係男人最痛。(《我的港女老婆》Facebook)

《我的港女老婆》作者離婚 真愛只可以出現喺螢光幕到?《我的港女老婆》源於真愛 作者Cuson漫畫寫夫妻相處細節最共鳴

有網友搵出一個IG 帳戶「Cacalovesing」,簡介中寫住「記錄148&182的愛情故事」,本來小情侶之間開個私人帳戶記錄甜蜜靚相只係好小事,但奇就奇在呢個帳戶只有兩個Followers,其中一個就係Cuson太太Caca﹗抽絲剝繭下網友再搵到一位男士嘅IG 帳戶「Losingb」,身型高大加上叫做sing,種種跡象都表明「Cacalovesing」兩個主人翁嘅身份。

有網友搵出呢個IG 帳戶「Cacalovesing」,只有兩個Followers,而其中一個就係Caca。(網上圖片)

有網友搵到好幾張Caca及疑似第三者Sing一啲相關相片,好似係去年11月13號Sing於網上寫交往中,Caca喺第二日就上載同一泳池留影照。(網上圖片)

有網友開設專頁整理種種蛛絲馬跡,不過好快就已經刪除/被刪除。(網上截圖)

除此以外有網友仲貼出幾張Caca同Sing分別貼出嘅相片,搵出好多相同之處。好似Caca同Sing喺差不多日子上載過喺泳池影嘅相,雖然唔係合照但的確似係同一個泳池;又試過差不多時間Po出到迪士尼遊玩嘅相片;Caca到台北旅行拼出一張48款食物圖,右下其中一張隱約見到一位男士拎住粟米,而呢個旅程Cuson並無同行。最重要嘅一張相係Caca於燈飾留影,喺鏡中反射見到一位男士幫佢揸機影相,外型同Sing有九成相似。有人更即晚開設Facebook Page將所有蛛絲馬跡一一Po出,不過不足24小時成個Page已經消失。

Caca及Sing差不多日子上載迪士尼樂園遊玩相片。(網上圖片)

聖誕節時Caca同唔少人一樣到處影燈飾,其中一張鏡面反射出,揸機幫佢影相嘅係一名男士。(Caca IG)

一個Cuson無同行嘅台北之旅,Caca其中一張相(右下紅圈)見到男士身影。(Caca IG)

Cuson同Caca憑住《我的港女老婆》漫畫中,兩夫妻日常笑料引起大家共嗚,成為網絡紅人,正如Cuson聲明中所講:「漫畫、這個專頁及衍生出來的各種商機,這一切都是源自於Caca。」睇返佢地嘅Post的確商機不絕,Caca亦乘勢開設個人Facebook Page,以「我係港女」自稱,贊助文一個接一個,由食物、美容、藥品甚至鑽飾應有盡有,近兩年佢地更自行印製利是封於網上發售。

隨住事件發酵愈鬧愈大,Caca已經將個人Facebook Page刪除,IG改做私人帳戶,與此同時IG 帳戶「Cacalovesing」亦消失得無影無蹤,令整件事更耐人尋味。

因為漫畫而成為KOL,Caca亦因此接下不少廣告寫贊助帖文。(《我的港女老婆》Facebook)

+3
+2

Caca已經將個人Facebook Page刪除,IG改做私人帳戶,與此同時IG 帳戶「Cacalovesing」亦消失得無影無蹤,令整件事更耐人尋味。(IG截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。