近日網上瘋傳一位講「譚仔話」的金髮仁兄，拍片勉勵網民，又叫人努力，「肯衝肯搏，唔怕辛苦」，就能夠去到他的高度。由於他說話語氣誇張，所以被無數網民恥笑，留言「走出井睇下世界」、「真心膠」、「飄到佢嘅高度」，一句到尾當他是搏出位的網民。《開心速遞》的Terry李偉健睇過段片後，第一反應是「唔明佢做乜？」，之後補充「每個人心態唔同，我就冇乜共鳴」，其實有共鳴先至驚。

短片中的金毛男子口音有點似「八両金」，他對着鏡頭自拍，並說「作為一個男人，肯衝肯搏，唔怕辛苦，好似30歲未到嘅我，每個月可以攞到千八蚊人工，加上全勤獎金，加上我聰明頭腦，幫老闆開開車門，點點煙，孭下公文包，基本上我可以攞你2千3、4蚊工資，好似我依家咁有錢，我都唔知點樣用，以前我上班，經常都自己帶瓶礦泉水，依家我直接係樓下買，有錢呀嘛，所以話男人呢？一定要唔怕辛苦，唔怕窮，只要你肯努力，遲早有日達到我咁嘅高度，依家我覺得有啲飄，有錢呀嘛，有啲迷失自我。好似前幾日，大嗱嗱花咗幾百蚊染咗呢個髮型，啲錢唔知用喺邊度。依家食煙每支都超過5毫子以上。你哋一定要拼搏，唔好驚辛苦，遲早有日可以達到我嘅高度。」

相關文章：

【開心速遞】Terry李偉健即將結婚　舅父KC竟然唔出席婚禮？

【開心速遞】Terry反抗都無事　大小姐因為爸爸重男輕女扁晒嘴

從該名男子口音及所述工資，估計他是內地網民，雖然他說肯搏肯捱，唔怕辛苦，總會有日有錢，但網民對他的口氣似乎不大接受，紛紛留言笑他「食兩支煙咪要1蚊」、「走出井睇下世界」，甚至有網民質疑他拍片呃Like。無綫藝人《開心速遞》的Terry李偉健，也是由低做起，現時演活了Terry及力王角色，跟KC歐瑞偉的組合更是充滿喜感，他看過該段短片後，表示「唔明佢做乜？」，記者向他解釋一番後，他說：「每個人心態都唔同，我睇完條片無乜共鳴，真係無乜感覺。」提到他角色入屋，又拍下不少廣告可以過肥年，他表示「覺得自己未成功，仲有排努力，但平常心繼續工作」。李偉健繼續踏實演戲，總好過拍片的人自吹自擂。