陳展鵬大馬搞fans meeting 門票$1200超越天團BIGBANG級數

撰文:
最後更新日期:

近年有不少藝人都到外地登台,接近農曆新年當然是他們搵真銀的好日子。早前馬明受訪時,都話情人節同新年都接咗 job,可想而知嗰酬勞係有幾咁好。貴為視帝嘅陳展鵬今日就係Instagram上載海報,透露自己將於年初二會到吉隆坡開fans meeting,最貴門票一張要約$1200港幣,個票價仲超越了歌神張學友同韓國天團BIGBANG同樣在馬來西亞的演唱會和見面會!!

陳展鵬今日係instagram透露年初二,會到馬來西亞開fans meeting。

有參加過fans meeting嘅粉絲都知買得最貴門票,見面會之後都可以同偶像近距離接觸。根據陳展鵬今次po出的海報中,原來粉絲無論是買最貴價還是最便宜的門票 ,都有機會同佢有近距離接觸。不少粉絲見到都紛紛留言話一定會買飛親睹偶像,仲話會買埋佢設計嘅眼鏡到場!

韓國天團BIGBANG同歌神張學友嘅票價,同今次fans meeting差唔多價錢!

以歌神張學友演唱會和BIGBANG 三子的見面會為例,最貴價門票分別只需馬幣¥688(即港幣$1376)及¥550(即港幣$1100)。你以為學友同BIGBANG嘅門票就係最貴?咁你就太年輕了!根據網上資料,天后王菲在馬來西亞舉行的演唱會係史上最貴嘅,因為一張要馬幣¥1080(即港幣$2160)。所以今次陳展鵬門票只要¥588(即港幣$1176),值唔值就見仁見智,但相信粉絲們為了見偶像,呢啲錢又點會介意花呢?!

相信到時一定有咁嘅情景。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。