黃翠如洪永城再度聯手拍旅遊節目？ IG透露：從這裏延續我們旅程
撰文：黃梓恒
出版：更新：
黃翠如和洪永城(Tony)這對最佳拍檔，他們自從有線已經有不少合作，主要都是旅遊節目。雙雙過檔無綫後依然都是合作無間，有《走過浮華大地》和《走過足球聖地》，劇集都有《愛我請留言》和《我瞞結婚了》，不過大家最想睇佢兩個都必定是旅遊節目，不少網民都說他們兩個劇集就一般，反而去吓外國，介紹吓當地文化仲受歡迎！
大家仲想唔想睇佢哋做旅遊節目？（電視畫面）
應該係拍緊節目。（Instagram圖片）
繼上一個節目《走過足球聖地》，他們已經四年沒有再一起拍攝旅遊節目，連世界盃都就快又踢一次，大家都好期待他們再走在一起，看來有機會喇！事關翠如近排在Instagram上放了幾張相，除了有Tony的身影之外，更透露他們是在日本，仲有好靚的雪景，更有所暗示地說：「從這裏延續我們的旅程。」可能真係有旅遊節目繼續拍喎！不過今年世界盃在俄羅斯舉行，加上播映權係NowTV同ViuTV，睇落就一定唔係《走過足球聖地》喇！
看來有所暗示喎！（Instagram圖片）