女神鄺潔楹（Judy)今日去到元朗，為TVB節目«降魔的捉妖遊戲»錄影，下星期就係情人節，Judy話都係工作中度過，單身一年半嘅佢，話其實都期待有另一半:「其實講就講話隨緣，但如果有（新戀情）都唔抗拒，但不會特別強求。」

問到Judy嘅擇偶條件，估唔到係呢樣:「要同我一樣都係好鐘意工作嘅，因為當大家都好忙就會比較體諒同包容到大家。」Judy之所以有呢個諗法，是來自上段感情的領悟:「我哋呢行真係好忙，其他人未必理解我哋嘅工作時間，因為成日突然話飛就飛，依家都有人追，不過因為我太忙，佢哋可能以為我唔上心無興趣，因為成日突然唔得閒。」睇嚟想追求女神的男士們，真係要俾啲耐性同包容，畢竟做藝人呢行忙先係皇道。

透露將加入一個好入屋嘅節目:「剛剛去咗日本拍«Do姐有問題»外景，雖然唔係同Do姐一齊去，但都有壓力，驚返到嚟俾Do姐嫌我唔夠醒。」Do姐出名要求高，難怪Judy有壓力，不過盡力做到最好就行了，最緊要問心無愧!