陳展鵬自家設計「北斗七星」眼鏡真係好潮 究竟賣出咗幾多副？
撰文：林迅景
出版：更新：
陳展鵬仲自己做埋品牌model，自己sell返副眼鏡。
陳展鵬的衣著打扮一向都好有獨特個人風格，早前他更榮陞老闆，開設自家設計的太陽眼鏡品牌，計劃打造自己的時裝王國，頭炮就是推出他親自設計的太陽眼鏡系列，一副承惠港幣$1288，雖然價錢唔平，但照樣有粉絲幫襯購買以示支持。
睇下副眼鏡幾型？
今日乘着TVB Big Big Channel舉辦的《Big Big 明星市集》，被網民捧為「潮流尖端」的陳展鵬更落場開檔推銷自家的「北極光」太陽眼鏡。陳展鵬接受《香港01》訪問時介紹自家設計的太陽眼鏡就說到了背後的故事。「我一直都好想去睇北極光嘅地方，但係一路都冇時間去。呢副眼鏡喺唔同嘅光線底下，就會折射到唔同嘅光出嚟，同埋如果你睇北極光嘅時候，你仲可以睇埋北斗七星，咁你嗰年就一定行好運，所以我就將北斗七星放埋喺眼鏡側邊。」
今日在市集攤檔購買，足足比官網平咗$400有多，真係好抵！
陳展鵬談到自家品牌「Ruco Vision」的將來發展時，他説：「我冇擺喺店舖度賣，只不過放係自己官網for我啲fans買。我希望我每一年都可以整到一啲product同埋我見到一啲有價值嘅嘢，我都可以做出嚟，例如手機殻，所以唔係淨係眼鏡。」
蔡思貝原來都有一副㗎。
現場所見，原價$1288的「北極光系列北斗七星太陽眼鏡」變成了$800一副，一定係因為賣眼鏡之餘仲可以幫手做慈善嘅關係先賣平咗咁多啦。陳展鵬仲話呢款太陽眼鏡只係少量製作。睇落真係幾有型，戴咗唔知會唔會可以好似陳展鵬咁有型呢？至於副眼鏡有幾多人買過？陳展鵬就好婉轉咁講：「幫我做眼鏡嘅朋友就話點樣訂都有，當然如果fans鍾意而又帶得舒服嘅話，其實可以再訂嘅。」
攝影：陳順禎
祝展鵬同陳敏之新一年大展鴻圖。