網上二次創作作者Jackz昨晚上載了一條7年前2月的一條片，片中有一班男校聖言中學的同學仔圍埋在操場上的圍欄邊，向著對面女校藍田聖保祿中學的女同學，大唱《對面的女孩看過來》，片中的聖言仔唱得興起，對面的女孩又睇到心花怒放，雙手掩面都掩唔住佢哋嘅笑意。Jackz寫道:「7年前，2011年嘅2月，Last Day臨近嘅日子，仲喺 #藍田 舊校舍嘅一班聖言嘅同學仔好有勇氣咁做左(咗)呢件事，相信對面嘅女同學唔多唔少都有啲心動。」

不少網友睇完段片留言：真係好青春！還說：呢啲先係校園生活啊！其實正值青春期的學生，最憧憬的就是發展校園感情，但男校或女校學生在校內除了老師校工沒有異性同學，想發展Puppy Love都難，而聖言中學同藍田聖保祿中學只是相隔一條馬路，平時除了返學放學行過見到，就是憑欄眺望「對面的女孩」，才稍有一點慰藉安撫躁動的心靈。

曾有聖言仔在網上撰文，寫這段與St. Paul女生的回憶，文中不諱言：「我會不會有一天，可以同對面的女孩拍拖?」還說做唔成情侶，做朋友都好，這想必也是大部份聖言仔心底一絲共同的期盼，而這個心事一直收埋在心底，直到Last Day先儲到足夠的勇氣，集體同對面的女孩表白，可惜依家聖言中學已經由藍口搬到彩虹，隔離係另一間男校聖若瑟英文中學，令唔少聖言仔失望。