【三個女人】黃智雯演人格分裂律師大挑戰:有病又唔講得好痛苦!

撰文:
最後更新日期:

黃智雯為擔正做女一的無綫新劇《三個女人一個「因」》出席宣傳活動,穿上deep V貼身衫上陣的她相當性感,不過她就不認為是好sexy:「台慶仲犀利啦,呢件衫好安全嘅。其實我係想演繹出型格嘅感覺,配合返我個角色好奔放好wild嘅性格。」她又謂這個角色同現實中的自己也有相似之處:「似跳舞時嘅自己,好有自信。」

黃智雯今日好性感呀。(梁碧玲攝)

而今次她是演一個患有人格分裂症的律師,總共有三個不同的人格,對她演技方面當然是很大的挑戰,難度亦很高,不過她卻感到好開心:「可以話係我夢寐以求嘅角色,好有挑戰性,可以突破我過去演過嘅角色,好過一直嚟自己嘅comfort zone度做重複嘅嘢。我花咗好長時間去準備,例如上網搵病例嘅資料,睇電影去參考同揣摩角色。演呢個律師難在佢係好壓抑,有病又唔講得,好痛苦。我自己真實世界都一定會有某啲嘢唔講得畀人知,可能係少少嘅缺失同一啲秘密。」

黃智雯覺得今次喺劇中嘅角色突破咗過往嘅自己。(梁碧玲攝)

提到明日就是情人節,智雯當然都會與男朋友一起慶祝,她還會下廚煮幾味:「我鍾意自己煮,同埋整啲小手作做禮物。」

智雯會親手整情人節禮物送畀男朋友。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。