「原諒我當天不懂得珍惜…」當年亞視劇集《我和殭屍有個約會》，主題曲唱到街知巷聞，演員更加係個個都因此爆紅。亞視藝人一向出名好感情，襯住新年又可以再聚會啦。袁文傑帶埋女友張潔蓮同舊戰友們團拜，好多都有份拍《殭屍III》，真係童年回憶返晒嚟呀﹗

尹天照澄清未加盟無綫：信耶穌後不再拍殭屍片

【情人節】袁文傑拍拖七年霸氣第一次送花 女友張潔蓮感動到喊

況天佑同山本未來同檯食飯﹗原來一班A記同學又襯新年聚餐，尹天照、張文慈、袁文傑同女友張潔蓮、李潤祺、曾偉明等相當人齊，袁文傑留言話：「大年初五，又係時候跟照哥見下面，仲有阿祺，Ming Sir，文慈，去年因為工作，都少了大家的聚會時候，不過，又有何關係？」

成班朋友邊食邊傾當然開心，成檯美食原來係尹天照一手包辦，好有大廚水準咁噃﹗尹天照喺微博留言話：「一班好朋友團拜，今日我做廚師，還有好幾個餸菜冇影相，好開心同老友聚會！」除咗大蝦沙律、疑似薯仔炆雞，就連燒腩肉就係自製，真係好利害呀﹗