【金宵大廈】首次擔正無懼炮灰檔　陳山聰：日韓劇都唔係一至五播

《金宵大廈》今次找來新鮮出爐的最佳男配角陳山聰做男一，亦是山聰第一次擔正做男主角，終於有機會嘗試男一的滋味。雖然今次只是放在星期日播放的單元劇，但山聰認為並不會有所影響，更指出香港觀眾現在睇劇的模式已經有所改變，他說：「除咗一至五之外，大家都會上網睇返，同埋好興睇網劇，我哋兩個鐘頭一集，每一集都係一個單元故仔，個個禮拜清。我都希望要有啲新嘗試，俾個新嘅模式觀眾，好似日、韓劇都唔係一至五播，希望吸引到觀眾喇。」

剛剛拎完最佳男配角，咁快就有新劇做男一，TVB明顯對山聰十分之好，但未知他又準備好未呢？信心滿滿的他表示：「對待個劇本就準備好喇，因為過年前已經知道要接拍呢部劇，監製又已經合作過，加埋《降魔的》編審羅佩清，佢哋帶俾我一個好大嘅信心。個故事好吸引到我，好新鮮，我可以話陳山聰咁耐以嚟無拍過咁樣嘅劇種，所以今次係幾新穎，好期待。個故仔嘅奇幻愛情同前世今生，背後個故事係幾特別，每一集都有唔同嘅訊想帶俾觀眾。套劇最主要係講情，無論親情定愛情，仲會有懸疑嘢，大家係會有啲心寒。」這套劇又科幻又心寒，究竟咩葫蘆賣咩藥？

即使機會已經放在眼前，但能否把握得到都要看天時地利人和，不過最能夠掌握的就是自己，所以對自己要求高是成功必要的事，幸好山聰一直都是抱著這個心態。「我對待每一個角色，包括今次又好之前又好，就算客串都好，我都係同等嘅壓力。作為一個演員，每個角色都要對待得好好，做好每一個角色，得到觀眾嘅認同，呢樣先係最緊要嘅嘢，所以我覺得無論係邊一個位置上都要做好本份。今次有個咁好嘅機會，就算下次有唔同嘅角色，我都會同等去對待。」老土講句，機會留給有準備的人，山聰，今次到你發圍！