今日是農曆年初九，大家是否吃了很多賀年美食，有無磅過肥了幾多呢？向來身材fit爆的張秀文（Sammi）就完全無因為過年而肥咗，今日出席活動時依然苗條得來又玲瓏浮凸，別以為她為保持美好身材要忍口，她今個農曆新年都有瘋狂嘆盡各式賀年食品㗎，係咪好羨慕又妒忌呢？Sammi接受《香港01》訪問時表示：「我有狂食蘿蔔糕，有成6，7底放喺雪櫃，試過一日最多食一底，都好過份㗎喇。」

她更自己炮製盤菜：「自己整咗個盤菜，入面有螺頭、髮菜、冬菇、五花腩同罐頭飽魚嗰啲，初一、二自己隊晒。（食咁多嘢竟然無肥到？）可能未發出嚟，哈哈。」既然不用節食，咁有甚麼keep fit方法呢？Sammi指自己新陳代謝快，本身比較多肌肉，不能操得太勁否則會變大隻：「我會行多啲樓梯，有時又會喺公司行返屋企，都要行半個鐘㗎。反而無特別節食，只會唔食咁飽，食可以減壓同令我開心。」她謂當年選美時曾試過節食減肥但就無咩效。