森美同阮小儀一齊出席商台團拜活動，提到森美近期變了愛情專家，在他主持的節目《早霸王》中解答聽眾的感情問題，咁他又可有幫下仍是單身的小儀，小儀說：「佢無教過我點媾仔喎。我試過失戀時好傷心，打電話畀佢，如果係其他人一定會叫我唔好難過，但佢係同我講『你幻想下個男人有香港腳㗎，好臭，爛晒㗎。』起碼佢會令我笑咗先，我亦會慢慢開始諗其實對方未必適合自己。佢用一啲非常嘅方法去幫我。」

森美仲大爆小儀的秘密表示：「好耐之前我同佢去睇相，點知個相士話小儀會因為我而有得戀愛，我聽完真係腳軟呀，幾驚係話我要幫佢埋單。原來係指小儀啲男朋友都係經我介紹嘅，所以佢一生人有姻緣全因為我，但失戀就係因為佢自己喇，雖然係我介紹啫，都要睇佢自己造化㗎嘛。」