歌神陳奕迅（Eason） 唱歌好聽就係人都知，其實他講英文都一樣動聽。12歲已開始在英國留學的Eason在當地生活了將近10年，所講的英式英文發音非常標準。近日有網民就重溫一段Eason大曬英文的短片，條片是2014年Eason獲英國母校Kingston University頒授Honors Degree of Arts榮譽博士時拍下的。Eason用英文致辭和分享感受，之後仲清唱了一段他自己的經典廣東歌《天下無雙》，無論係英文定係清唱，Eason都獲網民一致激讚。

Eason上台領取證書後，致辭表示自己非常緊張，且謙虛地說：「我唔覺得自己已經成功，我一直在學習中，成功對我嚟講係有一顆仁慈同充滿愛嘅心，因為我覺得人能夠做到呢個境界先永遠無敵不敗。」然後他就唱了幾句Monty Python的《Always Look on the Bright Side of Life》接住再唱自己首《天下無雙》。雖然期間Eason一度唔記得歌詞，未知是否太緊張所致，但仍無阻大家欣賞他那把靚聲，贏得台上台下熱烈的掌聲，有網民更讚他的清唱是世界級。