【開心速遞】歐瑞偉原來好唱得 怕醜唔敢上《流行經典50年》獻唱
撰文：溫菁莉
出版：更新：
觀眾幾乎每晚8點開電視都見到嘅歐瑞偉，適逢近期是新年假期，當然是登台的好時機。Facebook專頁《H-E-J-N-O-M <=> 芒姐再現》上就上載了一段歐瑞偉為盤菜宴唱歌的片段，，片中他就獻唱經典歌曲《大俠霍元甲》，現場觀眾反應都不錯。有不少網友睇完後都留言話「演員嚟講,唱得算幾好啦」。歐瑞偉接受《香港01》訪問時被問到有無興趣上《流行經典50年》唱返兩嘴時，他就笑言，「下！唔好喇掛，去得節目嘅都係高手上得，我無謂獻醜喇！」
估唔到歐瑞偉打功夫勁，唱歌都唔差。(facebook截圖)
提到唱歌咁有中氣，問他是否有跟歌唱老師學校時，歐瑞偉就指，「我無同老師學同特別去練，都係唱下自己鍾意嘅歌。」至於有無拿手歌曲，他笑言，「我呢個年紀都係唱呢個年代嘅歌，無話特別有咩拿手。」歐瑞偉真係好謙虛。睇返資料，早前他就曾孖住吳岱融到郵輪上開音樂會，證明係唱歌方面歐瑞偉都有市場！
歐瑞偉透露之後會離開《開心速遞》幾個月，北上拍攝《包青天》外景。
+2
接下來這個消息應該令好多觀眾震驚，就是他將會離開處境劇《愛·回家之開心速遞》，「因為之後我會到橫店拍《包青天》外景，暫時會離開幾個月，之後我又會返去喇。」既然歐瑞偉咁講，觀眾都放心好多！