網上瘋傳「紋身蛋」飯盒 林子善體諒同行：作為老細會好火滾
撰文：陳浩賢
出版：更新：
近日網上流傳外賣飯盒，一隻太陽蛋上，竟然出現藍色原子筆的文字，盒蓋內還附有一張手寫單，明顯是廚房大佬或者樓面的錯。事主想安安樂樂食個飯盒都咁難，反應除了是嬲嬲豬，就只得無奈，事後更將相片放上網，巴打絲打就當然笑到現腹肌，還紛紛留言贈興。無綫藝人林子善，本身亦是茶餐廳老闆，他知悉「蛋字」事件後，也忍不住說「作為老細一定火滾，見到一定插到飛起。」
網上瘋傳飯盒內太陽蛋有原子筆迹，見到都無晒胃口。（網上圖片）
林子善接受《香港01》訪問，他說：「通常張單都係擺側邊，唔會擺到咁正，我覺得係意外，熱加有水咪搞到啲原子筆墨水印咗落去。我作為老細一定火滾，見到一定插到飛起，一定係廚房做完盒飯拎甩張單，第二夥計包呢盒嘢時候，見到點解唔拎走，廚房同樓面都係有問題，我會同師傅講返。」
網民一面倒幸災樂禍，又幫飯盒改名，甚有創意。（網上圖片）
但如果這盒飯是林子善自己享用，他卻有另一番見解，「作為客人心態，會send張相佢哋睇，叫班手足留意下，一定會打去同老細講，但我都唔會好勞氣，因為有時都要互相體諒，有時做嘢好緊迫，太忙嘅時候，有機會出錯都唔奇，再係咁就唔好幫襯佢，我舖頭間中都有甩漏，作為老細梗係要安頓好客人，再叫班夥計留意返。」
林子善話如果自己餐廳發生一定插到飛起，反而做食客就唔會勞氣。（資料圖片）
至於現時在《三個女人一個因》，演出袁偉豪胞妹的林秀怡，她亦是餐廳老闆娘，她笑說：「我第一個反應會係拎個電話出嚟影張相，然後send俾friend一齊笑，因為真係好好笑。之後我會拎走隻蛋照食，因為怕麻煩。」不過網民似乎幸災樂禍居多，紛紛留言「蛋字呀」、「紋身蛋」、「記憶蛋」、「實冇錯單」「一文字蛋包飯」，創意無限，相信事主睇完留言也會得啖笑，順返條氣。
相關文章：
【鹽城婚禮】內地婚宴老爺當眾強吻新抱 Bob都話難拆：真堅錫呀
+4
林秀怡話會先影相，拎起太陽蛋之後照食，因為怕麻煩。（Instagram）