【果欄中的江湖大嫂】37歲甄詠珊演惡死醜婦喊打喊殺:唔想做花瓶

撰文:
最後更新日期:

真係好難先認到呢個係甄詠珊。

無綫《果欄中的江湖大嫂》裡面除了靚靚的陳煒、岑麗香,不少網友都留意到粗魯女人「惡人菊」的表現,但完全認不到這位演員是誰,要出動維基百科先知佢係邊個,知道答案後又覺得好驚喜咁。未Check?唔緊要,我開估,佢就係曾經同石詠莉、陳樂榣組成女子組合Freeze的甄詠珊。

本身靚靚女女嘅佢為呢套劇扮醜婦,好大犧牲。

提到甄詠珊在戲中披頭散髮,皮膚勁黑之餘塊面又勁多斑,名乎其實是個醜婦,本身靚靚女女的她承認曾難過心理關口:「佢哋話我唔化妝個樣未夠老,所以要化老少少,同埋喺果欄做嘢,冇可能乾乾淨淨,但其實真係好想接呢種角色,因為好突破同可以發揮。不過,我收工著返斯文衫時,發覺個妝同件衫唔係好夾,嗰刻真係過唔到自己。」講到戲中她經常惡死地大聲嗌,她笑指不擔心會失聲:「唔驚得咁多!為咗講嘢大聲啲,我都有咬住個木塞,學擘大啲個口講嘢。」

昨晚播出的一集中,她因為囡囡王卓淇又偷家用而激動得喊打喊殺。(TVB)

睇一睇佢尋晚嘅表現:

+7
+6
+5

問化妝最花時間是邊個部分?甄詠珊坦言條眉有啲難搞:「要搽到好深色之餘,仲要有好多雜毛,所以我自己都留咗好多,真真假假咁,其實啲斑都係化上去。嗰三個月個人真係粗魯咗,好彩完咗之後都跳到出嚟,仲係好鍾意著裙。(之前扮醜都好易彈出。)我唔敢諗呢啲,雖然做組合時曾經有段時間好多人關注我,但到我依家單飛加入咗TVB,我就好想借呢個角色,等觀眾知甄詠珊係畀心機嘅,係用個心去演戲、唱歌。」

劇中她因為老公趙永洪包二奶而被拋棄。(TVB)

雖然甄詠珊在戲中惡形惡相,但現實中卻是溫柔而且有情有義的女人,她曾經為照顧車禍重傷的前度男友,而退出娛樂圈四年,回想該段時光,她完全不覺得是艱辛:「佢需要時間去復健,會陪佢行下,有時佢行下就好攰,但其實佢最需要照顧嘅係精神方面,佢好鍾意冷笑話,我會為佢儲低呢啲,再講畀佢氹佢開心。(好影響生活?)佢呢方面有照顧返我,所以我當時有諗過真係退出娛圈,佢知我好辛苦養家,所以都想我畀機會佢照顧我,踏入人生另一階段。」只可惜最後因為家庭背景問題而分手收場。根據報導,她前男友是為屋企的地產生意打工。

現實中她亦因為家庭背景問題而與前度男友和平分手。(TVB)

最近甄詠珊就公開其新歌《重新出發》,藉此宣佈自己已經收拾好心情:「分手之後真係好迷茫,好彩有認識嘅導演搵我做舞台劇,畀我重返工作,依家我努力學返唱歌,希望可以繼續有進步,想大家覺得我唔係淨係一個花瓶嚟。」

為咗今次演出,甄詠珊真係好落力。

以免大家忘記她本身是一個靚女,貼返一啲佢平時嘅相,睇圖:

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。