證婚律師疑似對新娘太「細心」短片瘋傳　Bob直斥離晒大譜

近日FB瘋傳一條關於婚禮的片段，片中證婚律師被指擬似當眾抽新娘水，片段由一名婚禮攝影師流出，該攝影師直斥律師缺乏基本操守，又說他在行內出晒名，好多人亦留言直指律師行為不當，仲話該律師的行為令人唔舒服，目前該片段更被Share超過五百次。

從片段看來，見律師貼近新娘旁邊，新娘可能因為太感動同緊張，所以一度哽咽說不出話，律師在一旁教她深呼吸，不過可能教得太投入，好像有點「做多咗」，發出過長的呼吸聲。有網民指律師靠得太近新娘。之後新人簽字的時候，律師又捉住新娘子的手調整位置，有網民留言指律師似乎太細心。雖然留言傾向負面，但亦有網民撐該名律師：「上年2月結婚應該係呢位律師，個人好滿意對佢評價極高……呢個角度同剪接手法再加上有碼後，好難吾（唔）猥瑣，佢地（哋）係會耳邊提水，佢地（哋）都會同樣呢個模式提新郎誓詞，捉手呢下（吓）佢都捉過我隻手，亦一樣係我耳邊提水講誓詞。」

對於律師的「貼心行為」，另有網民分析他的表現實在有點越界：「當佢係有心幫新人，但超級over左，無視左整體大局，有拍攝有賓客佢既（嘅）舉動便無限放大！由於佢既行為動作跨(誇)張高調，好似想表現俾(畀)人知佢好細心好專業，但物極必反，成件事及畫面既(嘅)效果變左好x變態，一個人做野(嘢)有無sense，高下立見。」

一般巿民可能未必對婚禮流程很熟悉，若單憑一條片段來斷定該名律師的行為是否失當，有欠公正，我們聯絡資深婚禮司儀阿Bob(林盛斌)，他主持過多場大大小小的婚禮，經常近距離見證新人簽字，但連他看完該片段後直斥：「離晒大譜！」他直言若是他在現場，會阻止該名律師，這是阿Bob的第一個反應，但他之後亦有保留說：「單從呢條片段睇嚟，令人覺得唔舒服，但我唔知前文後理，都擔心斷章取義。」而有關律師捉新娘手方面，阿Bob則說正常：「好多律師都會指示新人或者捉一捉佢哋隻手，話畀佢哋知簽邊度。」

原片請按→婚禮攝影師怒斥證婚律師缺乏職業操守