自從TVB去年年中再次開設星期日晚煲劇時段後，除了第一波播出的《踩過界》反應良好之外，其後緊接播出的劇集例如《性在有情》及《雜警奇兵》，外界的反應都是麻麻。而剛播出的《三個女人一個因》的收視雖然有上升，但大家都還是不太寄予厚望。今日就有指接住播出的就有《跳躍生命線》，該劇除了有劉佩玥做女一，男主角更是相隔3年再度重返TVB的馬德鐘參演，不少網友都話好可惜，馬神難得返TVB拍劇，竟然會遇着星期日被外界稱為的「炮灰檔」。

而今次劇集監製就是負責《降魔的》的方駿釗，他問時被問到是否接住《三個女人一個因》後播出，他就表示，「未收到消息幾時播，星期日播呢個消息係假嘅。」提到難得馬神拍劇，是否都希望可以放返在星期一至五的黃金時段播放？方駿釗亦強調，「都係要等公司安排，咁我當然希望可以係一至五播，同埋最好係今年內。始終時裝劇擺太耐，啲嘢舊咗都唔好。」

再早前亦有指《棟仁的時光》將同樣在星期日晚播出，但現在就安排在下月16日逢星期一至五播出，緊接《果欄中的江湖大嫂》播放，劇中有袁偉豪同今屆視后唐詩詠，大家不用那麼失望！