【三個女人一個因】合作9年 潘嘉德激讚黃智雯:冇令我失望過

撰文:林迅景
出版:更新:
黃智雯冇令潘嘉德失望過。(林迅景攝)

潘嘉德(德哥)在電視業界已經享負盛名,其監製的電視劇一直深受觀眾喜愛,當中以《刑事偵緝檔案》、《鑑證實錄》、《衝上雲霄》、《女人唔易做》、《On Call 36小時》尤其知名,甚至最近推出的《三個女人一個因》亦廣受好評。不過德哥表示,在完成手頭上工作之後,就會離開工作約43年的TVB。潘嘉德(德哥)接受《香港01》訪問時說:「我其實好長情,離開TVB工作其實只係另外一個階段。我唔會退休㗎。」

監制德哥同編審黎倩儀在創作了《三個女人一個因》故事之後,就一致認同要搵黃智雯做女主角。(林迅景攝)

屈指一算,工作43個年頭,原來德哥與黃智雯大大小小已經合作了9部劇集。《三個女人一個因》中黃智雯演技更是一致好評,連德哥都大讚「滿意」。問到德哥為何鍾情於用黃智雯於監製的劇集時,他説:「佢參選香港小姐嘅時候我冇乜留意佢。但係訓練班畢業之後佢做司儀,我覺得呢個女仔有啲似顧老闆(顧紀均),我覺得佢嘅可塑性好高。」

德哥:「黃智雯拍嘅頭2套劇我都唔係好留意。到我要拍《搜下留情》,要搵一個演員做『鵪鶉妹』襯羅仲謙,咁我就諗起佢。casting咗之後,我就發覺佢領悟力同模仿力好強。到《巴不得媽媽》,佢就做一個唔戴眼鏡嘅『近視妹』。編審就攞咗一套以前瑪麗蓮夢露嘅黑白電影俾佢睇,佢就做得好好。所以自此之後,我哋就一路合作落去。」他們合作了9部劇集,問到德哥對黃智雯的評語。監製潘嘉德(德哥)說:「聽話勤力肯博,唔會『吖吱吖咗』。(好唔好戲?)我就滿意嘅,冇令我失望。」

其實黃智雯都算劇接劇。(林迅景攝)
+4