【三個女人一個因】林景程做戲先開心:物理治療師唔能夠成為興趣

撰文:
最後更新日期:

《三個女人一個「因」》裡面,林景程(King)飾演大律師白保運,憑其「狗眼看人低」的性格,抵死得來帶點刻薄,亦因此成為一個比較突出的角色。林景程在2009年參加《超級巨聲》繼而在TVB出道,自從2012年開始拍劇,但突出的角色一直不多,幾套擔當男配角的劇集算是他的代表出品,分別是《On Call 36小時II》的明太子、《四個女仔三個BAR》的齊安居、《超能老豆》的施興和今次《三個女人一個「因」》的白保運。

雖然講嘢好刻薄,不過又幾好笑。(電視畫面)

林景程的幾套代表作大部分飾演專業人士,難道他演專業人士特別有心得?事關King是一名真真正正的物理治療師。接受《香港01》訪問時他說:「我覺得未必關專業人士事。例如《四個女仔》個角色係好得意好得人鍾意,今次套劇嘅白狀又係一啲專業得嚟又口賤,又有少少流氓,流氓得嚟又有種高高在上嘅感覺,我始終都係覺得喺戲份上多咗發揮,所以更加令人留意到。」連King自己都認同只有四、五部劇比較多戲份。

連佢自己都認無乜有戲份嘅角色。(林迅景攝)

現在King除了做演員,還要兩邊走做物理治療師freelance,既然在TVB多年來的機會都不多,有否想過做回全職的物理治療師呢?景程認為出道頭幾年的時候更想留在演藝圈發展,事關《超級巨星》出身的他,亦自認條路會比其他人行得順,因為工作會接踵而來,亦令他有想過減少物理治療那邊的工作,「但係依家覺得真係有機會,都要浸返十年八年,同埋有另一種諗法係,我對呢一行唔係純粹覺得童話式好好玩而入行,而係真係鍾意做戲,所以如果唔做戲就會好唔開心,所以我唔會諗完全脫離呢一行,當一個興趣又好,經驗又好。有個前輩都同我講過,物理治療嘅嘢你已經學識咗,當然你都要去update其他嘢,但係佔嘅時間唔多,咁不如斬開兩邊時間。」

喺劇中同袁偉豪有唔少對手戲。(電視畫面)

兩邊走會否辛苦?這是無法避免的,一個人要兼顧兩件事,就要自己有個取捨去取得平衡。尤其是做演員,連踩十幾廿個鐘其實是等閒事,「一放工可能沖個涼就要去返物理治療,係好累,盡量安排時間。以前都仲ok,廿幾歲嗰陣朝早六點完廠,就直接去返工,妝都唔落,嗰時都仲頂到。依家如果知道係通宵廠而又安排到,第二日我會死咗喺屋企,真係郁唔到。」

【三個女人一個因】哲學碩士鍾志光從來冇心水球隊:足球係好奇妙

【三個女人一個因】陳俊堅終於有發揮:呢套劇係入行後最大的挑戰

【三個女人一個因‧任噏亂評】高層未信任黃智雯 收視成平反理據

【三個女人一個因】合作9年 潘嘉德激讚黃智雯:冇令我失望過

King自嘲自己開廠好多時都無戲份,可以恰吓眼瞓等埋位。(林迅景攝)

+7
+6
+5

除了時間,其實人工也是一個問題,King也承認做物理治療師的薪水比起TVB好得多,「普普通通都爭幾倍,最勤力嘅一個月可以有七至八倍,如果做全職,嗰個數仲更加特別添。」堅持做演員,可以說成一個興趣,在物理治療上的確很有意義,可以幫助到不少人,但未去到能夠成為興趣。對於林景程,演戲彷彿成為了他生命的一部分,要他放棄演戲看來現在是不可能的,希望他在將來會有更多有發揮的機會,加油!

大家點睇白保運呢個角色?(電視畫面)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。