自組公司多年嘅林二汶，今日宣佈正式加盟Sony Music，並舉行《Eman House Warming Party》，她在記者會上，笑言自己終於嫁得出，而且嫁得好，哥哥林一峰同媽咪以及同公司的小塵埃、葉巧琳、黄浩琳亦到在場見証林二汶出嫁。林二汶指自己7年自組公司如同跳入大海一樣，雖然學會了游水，但有感需要游得更遠，故決定簽唱片公司。「但我永遠唔會忘記自己係乜人，一定會做得更加好。」

訪問時，林二汶透露與公司源於兩年前她為小塵埃音樂會做嘉賓。「在他們做小塵埃的過程我都有留意，發現呢間公司完全沒有迫佢哋做商業嘢，一間有視野的音樂公司係應該係要咁去培育音樂人，加上跟他們團隊交流時，會發現他們真係有聽歌，真係識音樂，又識得去promte，咁呢啲夫復何求呢？」如今與小塵埃變為同事，林二汶表示十分期待與他們之後的合作。

林二汶指新公司願意用兩年時間去了解自己，又肯真金白銀拎錢買飛去睇她的騷，單是這份誠意，就算係朋友也未必做得到，更何況Sony Music是一間大公司。「最實質是他們給予的尊重同信任，這對身為音樂人的我很重要，就好似《Yeah》這首歌，如果不是公司的信任，應該唔會玩得咁開心，當然然而玩都可以好開心，但今次係別人出錢讓你做自己喜歡的事，再給予信任，真係可以去邊搵。」問到加盟之後，會否影響at17這個組合，林二汶就拍心口保証不會，並笑言：「隨時開番file，好簡單。」而提到簽約年期，林二汶就以「不短」去形容，並謂：「我今年35嘛，希望奔4之前大家依然是一個開心的合作關係。」而接下來她將會飛到台灣籌備新碟。