劉沛蘅初入影壇受導演讚賞 望以師姐Angelababy為目標
撰文：林迅景
出版：更新：
Hillary話嚟緊會出一條youtube化妝片。（黃國立攝）
劉沛蘅（Hillary Lau）2008年就加入了「STYLE」model公司做Angelababy小師妹，至今已經7年，今日Hillary出席銅鑼灣活動時，就提到自己來年會開始做Youtube片，她說：「復活節就會有第一條片，我諗一開始都係化妝片比較多，不過我會再加一啲時裝元素落去，會同大家分享下襯衫心得，Youtube其實係多一個平台去分享自己嘅事 。」
Hillary表示自己都睇過網民開post講自己。不過睇得最多嘅留言係「又係呢個女仔吖？」（黃國立攝）
Hillary説去年2017年是轉變的一年：「其實我一路都有諗頭去拍Youtube，不過唔知點解我有預感今年係唔同嘅一年。2018年我就冇啦啦好想做呢樣嘢。」她表示，因為平常工作只有廣告的平面拍攝，去年更已開始接觸電影拍攝，其中也有《蝕日風暴》《八個女人一台戲》。「雖然唔係咩大角色，不過我覺得係一個大轉變。《八個女人一台戲》個角色，我係casting返黎嘅，一開頭可能拍一日，後尾就一路加咗好多戲俾我。入面我係做娥姐（商天娥）個助手。我覺得做完真係好有滿足感。殺青嘅時候，導演仲話我做得好，所以好開心。」
唔少網民都話劉沛蘅（Hillary Lau）靚女。（黃國立攝）
同公司出過Angelababy以及熊黛林，問到Hillary會否以她們學習對象，她說：「我都嘗試緊，不過呢啲嘢真係要天時地利人和，所以我宜家就不斷咁試。當然我都想好似佢哋咁成功啦。」