昨日是兒童節這個屬於小朋友的節日，多位女藝人亦有在她們的IG上載兒時可愛相來應下節，當中包括有鄭欣宜 (Joyce)、鄧麗欣 (Stephy) 以及姚子羚 (Elaine)，原來她們三個細個時都是留齊蔭頭㗎。另外鄧佩儀都有放童年相。Joyce的童年相入面她着住紅色比堅尼，成身肉肥嘟嘟，雖然睇個樣未必即刻估到是Joyce，但睇身型應該一定會知道，而坐在泳池邊陪她游水的就是她媽咪肥姐沈殿霞，成個感覺好溫馨。J

Joyce留言表示：「呢個穿著比基尼嘅小朋友由細細個開始已經好鍾意表演俾大家睇。唱歌、跳舞、朗誦、模仿、打關斗、一字馬⋯大家越有反應，掌聲越大，笑聲越多佢就越投入。目的係要為大家生命多加一點色彩。🌈 呢個小朋友已經變成大人了。但佢從來都冇變過（肚腩大細差唔多）。還有16日就會第一次踏上屬於自己嘅紅館舞台。4月21、22號祝佢Break A Leg！勿忘初衷！#影水著的癖好由幾歲開始  #keep到」乘機幫自己個騷賣埋廣告。Stephy同Elaine兩人的童年樣子與現在的她們就有好大分別，絕對無可能一眼就認得出，反而鄧佩儀就相對易認些。