【金裝四大才子】翁虹歐陽震華再聚頭 石榴姐祝枝山幾時再合作？
撰文：洪曉璇
出版：更新：
翁虹、郭可盈、楊恭如於上海一齊出席活動。（翁虹微博）
女人唔補好易老，除咗靠化妝其實護膚一樣咁重要。唔少40歲以上女性睇落好似唔識老咁，近年會用「美魔女」嚟形容佢地。呢個詞源自日本，意思指「35歲以上仍然才貌兼備的女性，就像女巫般施展魔法使自己看起來年輕美麗。」49歲嘅翁虹近年長駐內地工作，呢日佢上載幾張合照，有郭可盈以及好耐無喺香港露面嘅楊恭如，那些年嘅港姐亞姐共冶一爐，勾起網友唔少回憶呀。
翁虹同郭可盈當年喺TVB好似無合作過，唔知將來有無機會一齊拍戲呢？（翁虹微博）
翁虹呢日去到上海出席活動後分享多張照片，同楊恭如郭可盈合照，三位雖然都已經40歲以上，但保養得相當好，狀態好似比當年喺香港日日拍劇仲KEEP得更好﹗
《金裝四大才子》當年真係日追夜追﹗（翁虹微博）
另外翁虹仲上載同舊拍檔歐陽震華合照，佢寫上：「祝枝山與石榴久別重逢啊﹗」大家仲記唔記得2000年播出嘅劇集《金裝四大才子》？翁虹同歐陽震華戲中分別飾演石榴同祝枝山，四對男女主角中最佻皮嘅歡喜冤家，唔知佢地幾時會有機會再合作呢？
翁虹嘅古裝扮相真係好靚。（影片截圖）
石榴姐祝枝山。（網上圖片）
+4