今晚(4月9日)播出的《逆緣》第六集，根據預告，社署職員林夏薇及糖妹將會主動出擊，嘗試搜集姜大衞呃綜援的證據，不過過程應該不太順利，被陳家樂嗆「女流之輩邊識搜集證據呢」，更自誇：「我就係曉搜集證據，我以前當差架嘛！」

由於上述原因，再基於姜大衞不知道陳家樂是社署職員之一，所以「放蛇」重任就落到陳家樂身上，點知……點知他這冷凍人不明白「放蛇」意指「隱蔽身份進行釣魚式執法行動」，還真的找來一大袋活蛇把場面弄得一團糟。

我們在電視機中看著劇情發展當然覺得有趣，但陳家樂回想起當時的情況，其實猶有餘悸，他說：「開頭我以為自己唔驚拎啲蛇上手架，點知當真係拍嘅時候拎上手，因為我真係未摸過蛇，嗰次仲要一拎就拎住個袋，裡面有十幾廿條蛇一大袋，兼且全部都未剝牙，所以最後都有啲驚。」

陳家樂就這麼一驚，更導致非常混亂與可怕的事情發生了，他回想道：「有一刻啲蛇突然喺個袋入面伸個頭爬出嚟，嚇到我一驚就拋晒落地下，跟住就搞到成地下都係蛇，其中一條仲『捐』咗落小巴車底，搞到現場用咗差唔多十五分鐘去捉返晒啲蛇，又要『捐』落車底度搵，因為驚如果搵唔齊啲蛇，就驚條蛇會跟住架小巴唔知去咗邊度搞到市民有危險，因為係真蛇嚟架，而且全部都仲有牙，所以就一定要捉返齊囉。」

最後幸好是有驚無險，但都嚇到在現場的林夏薇、糖妹及一眾小朋友咿嘩鬼叫。

【逆緣】陳家樂望5年內娶老婆　原來未得女友余香凝同意

【逆緣】林夏薇演中日混血兒講日文　網民好奇佢真係識？實情係..

【逆緣．任噏亂評】陳家樂三爺孫多笑點　但再唔入恩仇主線將趕客

【逆緣】一劇睇晒衰格上司　鍾志光最叻卸膊操　袁鎮業專門搶功勞

【逆緣】黎耀祥示範女婿生存之道　對岳母使幾萬真係當避難

【逆緣】林夏薇拍咀戲撞正最恐怖場面：差啲食鼻涕