陳敏之將埋班拍劇演女警 擔心少時間見可愛兒子:好似失戀咁

撰文:
最後更新日期:

陳敏之於本年初播畢的《溏心風暴3》中飾演黃以愛一角,並以小三身份與唐文龍發生不倫之戀,因而成為劇中亮點、城中討論熱話,人氣急升。另外,她最近又成為大熱歌唱綜藝節目的主持,伙拍薛家燕、黎小田、胡諾言主持《流行經典50年》,工作將隨人氣一直增加,這豈不是大大減少了與兒子雷子樂(Eddie)的相處時光?小朋友大得快,不怕錯過兒子成長過程嗎?


所以陳敏之說:「我係盡量一有空檔就會攬住佢,同埋帶佢出去戶外草地玩,但盡量囉,就算自己好眼瞓我都會好早起身,偷得一個鐘同佢玩就多得一個鐘,因為佢太可愛喇。其實最近多見咗嘅,因為我未開劇呢,基本上全程都喺度,反而驚第時開劇我會好掛住佢就真,即係會有失戀感覺。」

陳敏之表示再攰再眼瞓都好,都必須盡量抽時間陪個仔,深怕錯過兒子成長過程。(梁碧玲攝)

有失戀感覺不難理解,畢竟是前世情人,且兒子雖只1歲,但已是眼大大額高高幾靚仔。


「唔係幾,係好靚仔!不過佢係馬明嗰種天然呆,佢唔係cool,都好熱情嘅,但就慢熱囉,可能要warm up半個鐘佢先至會玩,總之佢係天然呆,我成日覺得我個仔係天然呆。」敏之更說兒子已認識馬國明,更指在天然呆方面,自己的兒子比馬國明更勝一籌。

又真係好靚仔!(Instagram圖片)

剛提到敏之即將拍劇,據知是圍繞警察、卧底的戲,而她飾演警察,劇名為《鐵探》。敏之工作本已忙碌,再拍劇豈不更少時間看見兒子,且之前提過想多生一個女兒的考慮亦要推延?她說:「呢個講緣份囉,我一定會試下生多個,但唔係而家,因為個仔啱啱先識行呢,我想佢大多少少,如果唔係我驚好撞呀。(好似陳豪咁?)嘩!真係唔使瞓喇如果咁樣,所以我覺得陳豪好勁囉,不過佢有Aimee take care到,但因為我要返工,變咗如果真係生多個嘅時候,啲幫手湊嘅人要好信得過囉。」既期待多看點敏之的作品,但同時又想她如願早點多生個女兒,無論如何總之是祝福。

其實除了拍攝工作外,敏之的餅店生意亦愈做愈大,擴展至內地。(梁碧玲攝)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。