鄺潔楹接棒做第五代「邦民女」　唔怕被比較：我身高係賣點！

鄺潔楹（Judy）最近成為廣告客戶新寵兒，正式接棒成為第五代「邦民女」，與葛民輝拍攝的新一輯廣告日前正式出街。拍攝當日，個子嬌小的Judy穿上「邦民女」的藍色戰衣，化身財務公司職員，幫助葛民輝「圓夢」。

首次與葛民輝合作，Judy直言非常緊張，拍攝時她因對方幽默的演繹方式，經常要忍笑，她笑言︰「拍攝講口號時，我們要一直拍，一直演繹不同的style。葛民輝的轉數非常快，他每一次的演繹方式都不同，而且很搞笑，最後一次我也忍不住爆笑。」提到首次穿上制服進行拍攝工作，Judy直言多了一份使命感︰「穿上制服的時候真係會覺得自己好似有份使命，就係要幫助人，最重要的，是做任何事都會自然斯文點。」

過往出產過不少「邦民女」均深入民心，難免會被外界拿來比較，Judy笑言自己的身高是賣點，她笑說︰「雖然身形上係有少少輸蝕，但亦可能因為咁，會令人更加記得我，其實咁多代的邦民女都比人感覺好親切，反而我的聲線比較響亮，同埋有一邊酒粒，可能都會容易令人記得。」

對於理財的睇法，Judy坦言平時會向家人請教投資的意見，自命是「慳妹」的她平時有儲錢習慣，亦計劃置業做業主，她表示︰「我都有計劃置業，所以一直有儲錢，會限住每個月嘅使費，而且好慶幸自己入行後獲不少品牌贊助，可以在美容同衣服方面慳少少。」