當大家都討論緊美國歌手Selena Gomez係咪同Justin Bieber再度分手嘅時候，另一邊廂Selena Gomez前度，被譽為新一代King of Pop嘅外國歌手The Weeknd日前喺冇預告下推出新專輯〈My Dear Melancholy〉，一睇專輯名就知道今次嘅歌都唔慌開心得去邊。

而主打歌〈Call out my name〉入面嘅歌詞相當直白，似乎道出咗對前度Selena Gomez嘅愛恨情仇。The Weeknd不段重複「I put you on top, I claimed you so proud and openly」呢兩句，來描寫Selena喺自己心目中嘅地位，而兩人熱戀時不時高調晒恩愛。去到最入肉嗰句「I almost cut a piece of myself for your life」，好明顯係講緊Selena舊年紅斑狼瘡症復發，The Weeknd一直都留喺Selena身邊，甚至取消大部分活動去照顧佢，暗示自己曾經有諗過將腎捐畀對方。聽到最後一句「Just call out my name and I’ll be on my way」，好簡單幾句已經睇得出The Weeknd雖然被女方拋棄後，仍念念不忘，好可惜最後Selena都選擇咗Justin Bieber，唔知道Selena聽到會有咩感覺呢？