張敏張學友原來勁老友親如家人 當正對方「如兄如父」

撰文:
最後更新日期:

當年張敏飾演多個角色都成為經典,綺夢同戚秦氏你都一定睇過。(網上圖片)

八九十年代港產片中最令人印象深刻嘅女主角,其中一位絕對係張敏。無論係《賭聖》嘅綺夢、《逃學威龍》嘅Miss Ho、還是《九品芝麻官》嘅戚秦氏,至今都係經典中嘅經典。雖然以上提及嘅戲都係同周星馳合作,但估唔到張敏同張學友都相當熟稔,最近佢上載合照仲寫下長文感謝學友:「時至今日,我仍然無法忘記當年你曾給予的恩澤。」

張敏同張學友曾經多次合作,其中一套就係《最佳女婿》。(網上圖片)

張敏相隔多年再遇學友,上載合照兼寫下長文分享感受。(張敏微博)

翻查紀錄,張敏同張學友曾經合作《最佳女婿》、《女黑俠黃鶯》、《笑傲江湖》、《神經刀與飛天貓》及《追日》等電影,視張學友為最親、最好嘅朋友,佢喺留言話:「時至今日,我仍然無法忘記當年你曾給予的恩澤,那就是你與人為善的,博施濟眾的胸懷!這是我畢生不曾停止過的追求。我最親愛的朋友,今生得以與你相逢是蒼天賜予我的福澤。在此,我誠摯地祈願,願我敬愛的,如兄如父的學友如松柏長青,願幸福的微笑一直駐足在你的嘴角,心田!!」

《女黑俠黃鶯》大家又有無睇過?(網上圖片)

+10
+9
+8


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。