小丸子嫲嫲識忍術? 同框驚現兩個嫲嫲:莫非隱喻佢壽命將至
撰文:洪曉璇
出版:更新:
1986年開始連載嘅日本漫畫《櫻桃小丸子》,1990年開始喺日本電視台播放,原今已經足足28年,依舊深受歡迎。小丸子嘅故事圍繞佢喺學校以及家庭嘅生活,老少咸宜,小朋友睇到都相當有共鳴,估唔到居然有靈異情節發生﹗喺4月15號日本播出嘅一集,居然有兩個嫲嫲同框出現﹗
15號播出嘅動畫,講述小丸子一家喺客廳圍住枱坐,小丸子同爸爸爭睇電視,嫲嫲無幾耐企起身,行到電視機前出手轉台,點知拉返遠鏡時,觀眾驚覺畫面同時間出現兩個嫲嫲,一個企喺電視機前轉緊台,另一個坐喺爺爺身邊,仲同家人一樣對轉台舉動滴汗。
畫面雖然一閃即逝,亦難逃觀眾法眼,洗版留言話:「嫲嫲真正身份原來係忍者﹗」、「嫲嫲學識分身之術啦﹗」亦有網友推測,傳說見到另一個自己,代表壽命將盡:「這說不定是要告訴觀眾,奶奶快死了」。雖然電視台好快承認出錯,會好好反省,今後製作會更小心,不過由此可見呢套動畫真係每個細節都受到高度重視,單係講小丸子嫲嫲,之前有一集講佢同爺爺臨瞓前一幕,網友發現長期紥髻嘅嫲嫲原來擁有長長秀髮,令觀眾嘖嘖稱奇。