洪永城表明唔會同舊愛唐詩詠復合 原因要講3個鐘先講得晒 

撰文:
最後更新日期:

由洪永城 (Tony) 主持的無綫兒童節目《五個小孩的大叔》榮獲「2018紐約國際電視電影節」「兒童/青少年組別銅獎」,Tony出席祝捷酒會講感受時,搞笑地表示:「我想令TVB啲主持年輕化,《學是學非》啲主持太老喇,所以我特地搵咗呢5個小朋友返嚟。」接受訪問時,Tony坦言並不介意被稱為大叔:「個節目名係我度嘅,我覺得咁先得意吖嘛,唔通叫《五個小孩的帥哥》咩,拍攝期間劇組個個都叫我大叔㗎。不過我得34歲啫,仲未係大叔。」他自言自己不夠成熟,可以再成熟些,問到他在感情事方面會否不夠成熟,他說:「又唔會喎,因為感情嘅嘢無啱同錯。」

洪永城唔介意畀人叫大叔。(梁碧玲攝)

提到有傳他跟舊愛唐詩詠已經秘密復合,對此Tony否認說:「唔係復合,唔會復合,我同佢係朋友。(點解咁肯定?)我諗我要講三個鐘頭先講得晒,但呢啲實在太私人,我只可以分享到呢度。」他更揚言:「我想搵個新嘅。(想搵個新女朋友?)係,咁無論男女都會想要新戀情。」至於下任女朋友想揀左圈內人還是圈外人,Tony說:「要睇緣份,但我個生活圈子都係接觸圈中人多,如果圈外人就要接受藝人嘅生活方式同節奏,大家要調節。」

Tony否認同唐詩詠復合。(梁碧玲攝)

Tony話想搵個新女朋友。(梁碧玲攝)

+4
+4
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。