陳慧琳已被新一代淘汰? 後生仔受訪指唔識得Kelly

撰文:
最後更新日期:

繼上次有學生以為四大天王係一個組合之後,今次有人話唔識陳慧琳(Kelly),仲話未聽過佢個名,當記者聽到受訪者咁講時,真係不禁倒抽一口涼氣,一時之間有點接受唔到,今次真係唔認老都唔得。

原來依家啲後生仔已經唔識得陳慧琳。(影片截圖)

日前 ViuTV 節目《歌度有榜》進行街訪,問吓大家知唔知一些被翻唱嘅歌係哪些歌手原唱的。問到《最佳位置》時,雖然大部份人都答啱係陳慧琳,但其中兩名目測應該係00後嘅後生仔,當主持人畀兩個答案佢哋揀,「陳慧琳或趙學而」,其中一個估係趙學而,記者追問點解,佢話:「因為另一個我唔知係邊個。」之後記者問佢身旁嘅朋友識唔識陳慧琳,佢都同樣話:「唔識呀。」

其實 Kelly 間唔中都會蒲吓頭,除咗代言、廣告,仲有出吓歌。(視覺中國)

無可否認,近年 Kelly 真係唔算活躍,雖然一年中總會蒲頭幾次,代言、唱歌、廣告都會間中見到佢,然而,可能 Kelly 的市場已經由全亞洲收窄到一班八九十後嘅人士。而且近年 K-Pop 熱潮席捲香港,大家都係追韓星,莫講話 Kelly ,香港新一代歌手都無咩人留意。

話晒 Kelly 都係香港一代天后。(視覺中國)

【集體回憶】四大天王首次同台片段出土 網民:已經榮升四大外父

陳慧琳讚老公煮早餐最正 公開晒幸福:佢煎午餐肉一粒粒好好食

雖然時代嘅巨輪從來不為任何人停下來,但話晒 Kelly 都係香港一代天后,1995 年 23歲 出道,今年已經45歲,曾經無人不識。連續六屆奪得「勁歌金曲頒獎典禮亞太區最受歡迎女歌星」,年年都毫無懸念地得獎, Kelly 當年可以話係紅遍亞洲,包括大中華地區、日本、韓國、東南亞以至國際其他地區都有極高知名度,影響力相當大。但自從 Kelly 結婚生子之後,就開始減產,雖然隔兩三年都會出吓碟,但比起以前每年量產三、四集碟嚟講,真係少咗好多。其實莫講話 Kelly 已經係兩子之母,當年著住校服去追星嘅學生妹,依家已經做咗人阿媽。

雖然 Kelly 已經 45 歲,但依然 Keep 得好 fit 。

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。