趙永洪離開無綫 「些粉」投靠蕭定一:啱timing出去闖一闖

撰文:黃梓恒
出版:更新:

趙永洪在TVB待了20年終離巢!這個消息早兩個星期前已經傳了出來,趙永洪將會由電視框正式跳入大銀幕,加入蕭定一公司HMV。對於這個決定,他說一切都是想自己可以獲得更好的成績,加上本身十分之喜愛電影,覺得現在這個時間是剛剛好。以往他給人最大的印象,一定是在處境劇裡面飾演的Marco,不過在上年《降魔的》推出後,大家開始轉口叫他做「些粉」。

在《降魔的》一場爆喊戲,將他的人氣再次推高。(劇照)

在接受《香港01》電話訪問時,趙永洪(Raymond)直認已經離開TVB向外發展,當中亦滲出一點不捨之情,他說:「一間公司做咗十幾年,好多同事、演員同埋台前幕後都日見夜見,見佢哋仲多過見屋企人,當然多多少少有唔捨得。但我覺得呢個timing去啱嘅,我係時候要出嚟睇吓可唔可以爭取到更好嘅成績,而家嚟咗新公司呢邊都相當之唔錯,有電影喇又有網劇,出面又可以接吓嘢做,暫時都幾好。」

有新方向係好事嚟嘅。(資料圖片)

自從上年《降魔的》出街後,他一場爆喊的戲份立即被廣傳,人氣得以再度爆升,其實對於自身的發展是否都有一種幫助呢?他說:都係㗎,其實都無諗過《降魔的》咁受歡迎,啲人又咁鍾意Seven呢個角色,真係估唔到。你知我哋呢行好得意,拍嗰時覺得個角色好正好好玩,但出到街觀眾未必覺得好,反而無乜期望嘅,出到嚟又咁多人鍾意,真係劇都有劇命。《降魔的》未出街之前,好多街坊朋友都係叫我Marco,之後就變咗『些粉』,同埋國內有個的士app都有搵我拍咗條的士司機短片。」

他認為《降魔的》係幫咗佢唔少。(資料圖片)

今次投身電影界,Raymond認為是想再將自己的成績做再好一點,他表示:「其實之前我都有出去拍電影,由《同囚》開始,電影俾到我一啲信心同推動力,等我夠膽行出去試吓,希望可以有更好嘅發展。喺TVB裡面,我覺得……其實公司都有俾機會我嘅,好似以前《畢打自己人》、《同事三分親》到而家《降魔的》咁樣,只不過我想希望拎到更好嘅成績,出嚟闖一闖,我好鍾意電影㗎。同埋而家電影市場又好咗,出埋多咗好多網絡電影,國內又多咗好多網絡電影同網劇。而家我出面開咗幾套電影,自己信心大咗,應該搞得掂嘅!」Raymond現在正拍攝邱禮濤執導的警匪片《暗黑者》,陣容十分強大,有古天樂、吳鎮宇、周柏豪和張智霖,女角色也有胡杏兒和周秀娜,希望Raymond可以憑此戲得到觀眾的賞識吧。

今次同眾多影帝級人馬合作,一定相當興奮。(資料圖片)

【萬千星輝】趙永洪是最佳男配角滄海遺珠 演技同何遠東一樣出色

【降魔的】趙永洪神級演技爆喊催淚 網友大讚有層次勁感動