熊黛林剖腹誕下金牛座孖女 BB擇日出世樣子好可愛

撰文:張嘉敏
出版:更新:
Lynn同老公正式榮升做爹地媽咪喇。

娛樂圈又有喜事喇,繼天王黎明日前榮升做爹地之後,名模熊黛林 (Lynn) 同老公郭可頌的BB亦都出世了,現年37歲的Lynn正式做媽咪。自從Lynn於去年11月宣佈陀B後,至今亦未有透露BB的性別,據知她陀的是一對孖女。今日有消息指Lynn日前已秘密於港島區一家私家醫院剖腹誕下孖女,BB是擇日出世,而為Lynn負責接生的倪淑慧醫生是圈中著名的婦科名醫,故Lynn同家人都非常放心又安心。

Lynn對住自己一對姪兒都愛不釋手,對住自己對囡囡肯定錫到燶。

有Lynn的優良遺傳基因,她的一對孖女一定長得很可愛,長大後應該都會係靚女啦。由於Lynn產前一直keep住做運動,加上好注重健康生活,相信產後身體會好快復原。而Lynn同老公都很喜歡小朋友,她亦有心想為郭家追個仔仔,所以之後也有計劃再生B。Lynn的經理Kim就表示多謝大家關心,有好消息她會第一時間跟大家分享。

恭喜晒!
Lynn陀B時一直有做運動。
你可能感興趣