黃翠如享受拖實男友感覺:最嫌棄我影得佢唔靚仔

撰文:鄺鈺瑩
出版:更新:
黃翠如話入行時,最先就係學化妝品,但咁多年都係化得麻麻,幸她男友早已見慣她的素顏。(梁碧玲攝)

黃翠如同男友蕭正楠拍拖四年屢傳婚訊,二人早前外遊返港被路人捕獲,結果又再引起秘婚傳聞,呢日翠如BB出席化妝品牌活動時,問到會否介意經常被路人洩露行蹤,她就表示:「我哋嗰次係去外地搵朋友玩,其實唔係好介意,有時在外地見到香港人他們都會很友善,而我又唔覺得拖手行街有什麼問題,甚至幾enjoy同佢一齊拍拖出街。」 而講到是日的化妝活動,翠如BB就話初入行時,都有學過化妝,她又指「所有男友鍾意女友偽素顏」但興幸的是男友早已見憤她的素顏,就連去旅行拍拖時,也寧願花時間研究景點,「佢反而最嫌棄我影我佢唔靚。」

李佳芯因為拍劇而減少了搵真銀的機會。(梁碧玲攝)

而呢日同場的李佳芯(Ali),雖然有男友已非秘密,但佢就未能做到好似翠如BB咁公開。近期忙於拍攝《白色強人》的Ali,笑言因為拍劇關係而減少了搵外快的機會,「其實好難,要又夾時間又要客戶體諒,今日都係攝時間出嚟,轉頭都要返去開工。」Ali表示劇集預計拍到7月,接下來如果要再搵真銀的話,怕且都要使橫手,不過Ali出招前,怕且都要完成深圳外景再算,《白色強人》三個星期的外照,對於甚少出埠拍劇的她來說,又是一種新體驗。「我成日都執漏嘢,雖然依家同你講一定要拎拖鞋、牙刷去,但到時執漏機會都好高。」