《復仇者聯盟3：無限之戰》上映一星期幾乎場場爆滿，劇情固然重要，而飾演雷神嘅Chris Hemsworth就再次成為亮點。就算唔係拍緊戲都會keep住完美肌肉線條，除咗係大部分女士嘅幻想對象，仲係唔少男士嘅健身目標。不過要練到好似Chris咁，一定唔少得高強度訓練，大家係咪好想知道佢呢副完美body係點練成呢？但係我勸大家唔好不自量力，最好先根據個人體質同埋身活習慣再作出適當訓練，如果整親就唔好啦。

要達到戲中爆肌嘅效果，Chris特別搵到私人教練Luke Zocchi進行地獄式針對全身肌肉嘅訓練，每星期操6日，平均每3日就休息1日，每次至少1小時嘅訓練，再控制飲食，維持30日就可以。不過咁癲嘅訓練，都係適合一向有健身嘅男士先好嘗試，以下就介紹幾款訓練畀大家，做齊包你好似雷神咁大隻！

第一招　啞鈴訓練

首先就要坐喺45度角嘅bench上面舉啞鈴，能夠要拎得起雷神個鎚當然唔係舉輕嗰啲啞鈴啦，Chris就舉開20kg嘅啞鈴，係每邊20kg，集中操膊頭、手臂同埋胸肌，然後再配合向上推、側舉嘅動作做3 set，每set分別做12下、10下同8下。

第二招　Bear Crawl

顧名思義即係好似熊咁爬行，主要係訓練膊頭、核心同埋髖屈肌。做法就係四肢著地，膝頭離地，然後雙手雙腳向前爬，但要注意唔可以同手同腳。向前4步，再向後4步，每次做20次，做3組，每組休息30秒。

第三招　藥球訓練

藥球訓練有幾隻嘅，呢隻就係將藥球抱喺胸前，穩定下盤，然後將藥球拋出，主要係訓練手臂、腹肌同埋整體爆發力。如果要練到好似Chris咁，就要加番條阻力帶，去增強訓練。

第四招　戰繩

大家有睇張家輝《激戰》嘅話，應該都見過呢條戰繩，唔好睇到張家輝同Chris都做得好輕鬆，但其實係屬於「打大佬」級別，因為要持續咁擺動戰繩係需要消耗好大體力，唔夠體能嘅人fing 三十秒都頂唔順。

第五招　腹肌雙手捉實單槓，背部喺無倚靠下抬腿，做嘅時候記得要鎖緊腰腹，如果唔係身體就會不由自主咁搖擺。如果你屋企無嘅話，你可以落公園搵個馬騮架做。

第六招　背肌

第七招　高速踩單車