容祖兒壓軸登場北京大學生電影節閉幕 同泳兒廣州開騷大唱廣東歌

撰文:
最後更新日期:

日前容祖兒同泳兒(Vincy)現身2018咪咕音樂現場廣州站。祖兒着住白tee襯牛仔短褲外加透紗長裙,型格十足;Vincy同樣玩白色tone,白色長裙襯白色西裝褸,。二人各自演繹自己嘅經典歌曲,祖兒唱咗《空港》、《花千樹》、《心淡》、《小日子》等,佢話:「好耐冇唱過咁多首廣東歌。」而Vincy就唱《感應》、《花無雪》、《我的回憶不是我的》、《天若有情》等,現場仲有fans大嗌叫佢唱新歌《騎膊馬》,Vincy就話:「新歌唔喺今次嘅song list入面,所以冇唱到,希望下一次可以唱俾大家聽。」

容祖兒同泳兒(Vincy)現身廣州出席活動,大唱廣東歌。

另外6號晚祖兒獲邀出席「第二十五屆北京大學生電影節閉幕式暨頒獎典禮」,現場星光熠熠,馮小剛、周迅、楊冪、李晨等著名電影人亦齊聚北京,空降現場嘅祖兒,為電影節頒發首個獎項-「最愛歡迎男演員獎」。

JOEY現身北京頒發「最愛歡迎男演員獎」。

第一次參與嘅祖兒話:「很高興可以跟大學生一同慶賀這一個專屬於年輕人的電影盛會,剛剛在後台已經感受到大學生們的熱情。」除咗打頭陣,祖兒亦係壓軸登場嘉賓,當晚佢仲唱咗《越唱越強》去鼓勵大學生。作為首位頒獎嘉賓及壓軸登場,祖兒鼓勵大學生年輕不畏懼,要勇敢追夢。

JOEY除咗頒獎,當然唔少得獻唱一曲。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。