上世紀最恐怖政府宣傳片出土，真係愈睇愈覺得詭異，其實以前嘅政府廣告真係恐怖過依家嘅好多好多。對於好多九十後嚟講，最深刻嘅一定係社會福利署嘅「疏忽照顧可能導致虐待兒童」宣傳片，成個氣氛都真係好陰森下，而最後嗰對喺收信口望出走廊嘅小朋友眼睛更加係一代嘅童年陰影。而1985年嘅「高空墜物足以致命」亦都係極度驚嚇，被擲物擊中嘅妙齡女子倒斃喺地上，對眼仲睜到大一大，真係發夢都會諗起。

最血腥政府宣傳片　主角山邊睇電視　死法愈睇愈詭異

依家嘅政府宣傳片真係弱好多，最深印象嘅都真係應該係有鄧梓峰份嘅「效遊前準備好 聯繫方法要知道」同埋呼籲預防禽流感嘅「要小心，唔好掂到佢哋嘅便便」，不過真係一啲都唔恐怖。