【開心速遞】劉一飛演活大陸土豪曹總一角 唔咸唔淡廣東話係精髓
撰文：張嘉敏
出版：更新：
曹總呢個角色深入民心。
無綫處境劇《愛‧回家之開心速遞》播了300多集一直好受觀眾同網民喜愛，亦捧紅了不少藝人，例如大小姐 (林淑敏飾) 和送水輝 (許家傑飾) 更是名利雙收，而劇中的一些配角亦都好搶鏡，例如曹總 (林一飛飾)。其實曹總呢個角色由最初代播出的《愛‧回家》已經開始陪住大家，當時的他就同馬壯 (黎諾懿飾) 一樣咁得大眾喜愛，角色同樣係深入民心。劇中的曹總雖然是一名來自大陸的土豪，但為人正直又有情有義，肯講道理，性格相當討好，所以深得網民的歡心。就係咁曹總呢個角色亦長做長有，做足幾年依然人氣不減，甚至被網民封為男神。
劉一飛演活咗曹總一角。
雖然只係配角但係好搶鏡。
講返飾演曹總的劉一飛，他那唔咸唔淡的廣東話亦令曹總的大陸土豪形象更神似更鮮明。出生於北京的劉一飛原本是以國語配音員身份於1989年加入無綫，後來才開始兼顧拍劇工作。對於被封為男神，他曾在《今日VIP》的訪問中表示好開心亦要多謝大家俾面，還謙虛地說：「其實我覺得自己做得咁好，仲有好多地方需要努力。」他坦言希望公司可以給予多些機會讓他發揮，可以配音同拍劇兩邊一齊發展。
佢喺《開心速遞》入面同袁文傑最多對手戲。
而劉一飛因為自己廣東話講得唔好，為了演好曹總呢個角色亦下了不少苦功：「我成日都喺化妝室練習講廣東話劇本，又會請教講廣東話嘅朋友，因為自己嘅母語唔係廣東話，所以要更加努力。」拍劇演慣商界老闆的他又話想試下演江湖人物的角色。提到配音員的工作，原來都同演員一樣工時好長，有時仲要捱更抵夜，他說：「最長時間係返朝九晚二，因為同拍劇一樣，隨時有自己戲份。」
當然配音員也有不為人知的辛酸：「配音室長期都好凍，因為入面啲機器唔熱得，要開住好大冷氣。我哋又唔可以亂咁郁，因為一郁就會有聲怕會入咪。如果配音嘅角色係好激動，作為配音員亦要配合，情緒激動得嚟個人又唔可以郁動，有時會辛苦到缺氧同頭暈。」
佢希望可以同時兼顧配音同演戲工作。
佢喺劇中好有發揮㗎。
+3