曾華倩對囝囝拍拖持開放態度：最緊要做好安全措施

曾華倩近年來逐漸減少幕前工作，現在只是為亞視的訪談節目《今晚見》擔任主持。上個星期，曾華倩在社交平台分享她和兒子林浩賢（Martin）、鄭浩南、吳家樂以及袁文傑的合照，相中的Martin膚白俊俏，看上去好斯文，身高甚至超過袁文傑。現年19歲的Martin是香港游泳隊的隊員之一，近2米高的他在泳壇屢獲佳績，被譽為「喇沙飛魚」，認真犀利呀！

以家庭為重的曾華倩，但凡Martin有比賽，她都會做「跟得阿媽」，日前她就陪同兒子聯同香港游泳隊前往大馬參加比賽，Martin與隊友們都不負眾望，獲「4x100 metre freestyle relay」冠軍，令曾華倩都好感動，大讚他們為香港隊爭光。其實Martin如斯高大靚仔，一定會有不少女仔埋身，不過曾華倩就坦言自己沒有特別留意，對兒子拍拖都持開放態度：「我覺得後生仔女，男歡女愛呢啲嘢，即係自己都後生過，所以我都唔會有特別唔俾，因為已經18歲啦嘛，大個仔喇，我諗下自己18歲都拍拖啦。」不過有一樣事情，曾華倩就特別囑咐：「最緊要做好安全措施。」曾華倩笑言在兒子小時候，已經進行性教育，所以對Martin好放心。

前排傳出亞視「大地震」，吳雨更辭任行政總裁一職，不過曾華倩就不覺得有什麼變化：「因為我走咗一個星期返嚟，又冇乜嘢，個個都好happy咁樣，又冇事發生呀，同埋吳雨大哥自己都出嚟講過佢由頭到尾係顧問形式，咁我都相信大哥係咁樣囉。」曾華倩還叫大家不用擔心，笑言出糧好準時，快到她自己都覺得好驚訝呢。