宋熙年至公佈懷孕已經有四個月，今日佢出席活動擔任司儀一職，對於積極搵奶粉錢嘅佢表示繼續在工作係一個幸運嚟，Sarah講到：「其實出嚟工作都已經算開始胎教，因為今日活動可以講俾佢聽媽媽點理財，又可以俾佢聽下啲科技，所以我覺得都算胎教一種。」

懷孕中嘅女性都會有別人口中「大肚婆」脾氣，Sarah懷孕都有四個月，唔知佢脾氣有冇好大上落？可能只有老公先知道。Sarah就回答到：「佢都有講過呢個問題，但佢反而覺得我脾氣好咗，我話我脾氣不嬲都好，咁有時侯夫妻相處大家都會可能有少少唔客氣，但懷孕之後我成日都講唔該佢，佢就讚我脾氣再好咗。」

其實Sarah同老公陳智燊一直都有喺Youtube拍片，講下飲飲食食同扮靚嘅片，Sarah都透露想比大家見到佢不一樣嘅佢，Sarah講到：「其實我地都係鍾意分享，由其是可能大家係電視上見到嘅宋熙年好正經，其實我都有風趣一面，同埋現在實在有太多野可以同大家分享，譬如去邊玩呀，邊到有好野食咁樣。」，宜家兩父妻仲可以多咗樣野可以分享啦，就喺分享懷孕後心情，將來仲可以帶埋小朋友出鏡，不過問到BB性別，Sarah就暫時未知道，知道後一定會公佈大家知。