湯洛雯 (靚湯) 最近為了慶祝她剛過去的31歲生日，就同屋企人包括妹妹湯樂瑤 (Cassandre) 一起去了馬爾代夫旅遊度假，去得馬爾代夫當然一定唔少得陽光與海灘啦，靚湯早前亦於Instagram上載了一條有她水着look的短片。而今日她又再向粉絲同網民大派福利喇，今次仲孖埋妹妹Cass一齊上陣添。靚湯在ig放了幾張她和妹妹於這個馬爾代夫之旅所影的靚相，仲會送出一張她親手寫的Postcard畀留言有最多like的粉絲。相中的靚湯同妹妹衣著打扮雖然唔算性感，但都露出個白滑香肩，加上她們燦爛的甜笑，好誘人㗎。

其實靚湯在度假期間連日來都有update ig post新相同大家開心share，其中一輯就是她在海邊大曬白滑美腿。而她妹妹Cass都有在她自己的ig上載旅行靚相，除了同家姐的合照，亦有她自己的單人相。Cass的身材一向比家姐豐滿，穿上露膊露腰胸前綁帶喱士衫配襯開叉飄逸長裙的她，真係好sexy呀！兩姊妹各具美態，唔少網民都留言話：「兩個都咁正！」大家又鍾意邊個多些呢？