【飛虎之潛行極戰】首集前港男爆肌入浴 黃宗澤鋼條身型唔輸蝕

撰文:
最後更新日期:

黃宗澤喺第一集就騷肌,令大家大飽眼福。

《飛虎之潛行極戰》上個月率先喺myTV SUPER同內地YOUKU網播出,截至到14號,播放率已經高達25億,成績可以話非常好。而《飛虎》喺無綫播出第一集,除咗睇「御用警察」吳卓曦同黃宗澤呢對舊拍檔隔咗咁多年再合體,同埋三哥苗橋偉、吳岱融、張兆輝等老戲骨鬥戲之餘,另一亮點就係一班爆肌大隻仔啦!

第一集中段就有一幕成班飛虎大隻猛男半裸入浴,仲有黃宗澤半裸close up鏡頭。我諗導演take澤仔大頭應該都係想大家留意佢嘅肌肉,但點睇都唔及另一位搶鏡!見到其中一位猛男拎住花灑沖身仲吸引,除咗胸肌同腹肌,連人魚線都清楚見到,雖然只係得短短兩秒,但已足夠刺激到大家嘅眼球!原來呢位爆肌男就係前年參選過港男嘅梁裕恆﹝Flow﹞,為表決心更辭去消防員工作,好可惜最後大熱倒灶。對於喺《飛虎》入面嘅半裸鏡頭,佢自己都忍唔住喺Facebook搞笑留言話:「導演,有必要影咁低咩?」睇返Flow嘅社交網站,現時做緊健身教練嘅佢都經常上載半裸肌肉照,早前亦參加咗健美比賽更奪得冠軍。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。