【牛下女高音】歐瑞偉首次做小販 唱埋高難度男高音:有啲壓力

撰文:
最後更新日期:

歐瑞偉個look同以前演過嘅角色好唔同。(林迅景攝)

歐瑞偉出席無綫新劇《牛下女高音》(暫名) 造型暨拜神活動,一身短褲打扮的他在劇中會飾演一名小販兼合唱團團員。他說:「我啱啱先知自己做小販咋,之前無時間去拎劇本,未睇劇本,淨係知套劇講我哋一班7個男仔唱歌嘅兄弟情懷。我個角色係好鍾意錢,好緊張錢嘅。(你自己鍾唔鍾意錢?)咁個個都鍾意錢嘅,我覺得夠用同開心咪得囉,太多錢會好多嘢煩,反而會唔開心。」

他透露除了要拍這套新劇,還同時要拍《鐵探》以及《開心速遞》,要應付三套劇真係唔容易,他說:「睇劇本要時間,仲要消化,所以都大壓力。我都係啱啱先收到今次要唱歌,本身又唔係唱家班,會有啲壓力,平時出去做嘢唱開自己啲歌就得啫,男高音有難度,我靠晒阿蔣(蔣志光)㗎喇。同埋我未試過做小販,有個概念,睇小販已經睇咗好多年,要埋位先知會點演繹,仲未知點行法,希望會令到啲街坊開心。」

歐瑞偉第一次飾演小販。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。