【牛下女高音】黃心穎飾演自暴自棄宅女:期待咗好耐

撰文:
最後更新日期:
心穎今次做唔注重打扮嘅宅女。(林迅景攝)
黃心穎出席無綫新劇《牛下女高音》(暫名) 造型暨拜神活動,今次心穎在劇中的角色是一名宅女,她說:「講我30幾歲,唔注重自己嘅打扮,成日着鬆身衫,個人仲有啲自暴自棄。我期待咗好耐,想演呢啲唔理外表嘅角色,因為咁樣可以focus喺演技上面。我唔介意演醜角,最緊要有得發揮。呢個角色對我嚟講好新鮮,我睇完劇本好鍾意個故仔同角色,係第一次演大過自己真實年紀嘅角色。」
她又表示要多謝該劇的監製黃偉聲:「今次已經係第3次同聲哥合作,好多謝佢每次搵我都畀好多唔同嘅角色我去演,第一次係《東坡家事》同Bobby (歐陽震華) 合作,我做蘇小妹,係搞笑嘅。第二次係《與諜同謀》同撈家 (羅家良) 合作,就好正經嘅,第三次就呢套,每次都係一個挑戰嚟,對我亦係一種鼓勵,好多謝聲哥佢咁信任我。」至於心穎於現實生活中又是否與角色一樣是宅女,她說:「有少少似,我都鍾意留喺屋企,就算出街都係自己一個出,不過衣著打扮上唔似,我鍾意買衫同打扮,都貪靚嘅。」
心穎同張振朗喺劇中飾演一對。(林迅景攝)
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。