【飛虎之潛行極戰】梁烈唯狂show手指紋身 究竟YOLO點解?

撰文:
最後更新日期:

唯唯都個樣奸到出汁。

《飛虎之潛行極戰》播出第八集劇情越嚟越緊張,梁烈唯所飾演嘅變態恐怖份子Kenny以殺人為樂,第7集仲設局炸死咗黃威廉。見到威廉炸死咗之後唯唯好開心,仲瘋狂大笑,嗰隻超高音魔性笑聲,聽落都幾不安。身為前海豹特擊隊成員嘅唯唯,身形嚟講就比較輸蝕,都係身上嗰個兩個紋身搶鏡好多,因為唯唯不段喺鏡頭面前大晒紋身。之前都講過有眼利嘅網民話唯唯嘅紋身一啲都唔match,劇中有一幕仲整個大特寫影住唯唯手指上面嘅「YOLO」。

【飛虎之潛行極戰】梁烈唯差佬變恐怖分子 扮奸笑聲勁似小丑

YoLo~

其實「YOLO」嘅意思就係「You Only Live Once」嘅英文縮寫,網絡嘅意思就係鼓勵人把握時間去及時行樂,通常呢句說話都係活躍於青少年嘅對話當中,而呢句說話用得最多就係2011至2012年。事緣加拿大饒舌歌手Drake喺2011年嘅歌曲《The Motto》入面用咗「YOLO」做宣傳,所以就被網民瘋狂使用,漸漸「YOLO」就由原意變成鼓勵大家唔負責任嘅事嘅藉口,最後變成毫無意義,而家都好少人再用呢句說話。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。