葉巧琳首次開騷勁緊張 男友暗中支持：佢唔准我開名
撰文：鄺鈺瑩
出版：更新：
樂團Trekkerz出身的葉巧琳（Mischa）近日單飛推出個人專輯《The Makings Of》，唱片公司為她舉行新碟發佈音樂會，除獲家人、歌迷撐場外，師兄林奕匡亦低調現身。為了這次處女音樂會，葉巧琳特意找來曾獲金像獎「最佳原創電影音樂」的波多野裕介重新編曲多首作品如《孤單貝多芬》、《能見度》、《殘渣》等。
葉巧琳於音樂會上一口氣唱出多首作品。（梁碧玲攝）
葉巧琳接受訪問時，指公司非常揼本，令她既開心又有壓力。「唔少朋友都同我講隻碟好高成本，自己都開心公司咁錫我，會繼續做好啲去報答，亦明白呢啲機會唔係話要有就有。」首次舉行音樂會，雖然場地大容納人數不多，但對葉巧琳來說也是個大考驗，因為以前會有Trekkerz成員伴侶左右，但這次單拖上台，訪問時她頻頻大叫緊張。問到男友可有安慰她，葉巧琳就話：「佢提我好多次記得唔好開佢名，因為佢唔鍾意高調，但我知道佢係好支持我嘅。」
為怕無人到場，所以葉巧琳早已叫晒親朋好友到場支持，不過看到現場人頭滿滿，證明她的擔心其實是多餘。（梁碧玲攝）
葉巧琳表示每次去看演唱會時，都會幻想自己將來也能站到台上，她又坦言十分羨慕隊友Mike因要為陳柏宇奏樂，所以早已踏上紅館。「雖然都識玩樂器，但我希望係用自己嘅歌聲踏上舞台。其實呢幾年由新人到出碟，過程好艱難、亦都學咗好多嘢，係好感恩嘅。」