剛於4月初舉行婚禮的林子善，當晚接受訪問時講起老婆Kary一度眼紅紅，自爆二人曾經一度分手，感謝對方一直不離不棄。不過有報道指，林子善當時跟Kary由分手直至復合短短個幾月真空期，曾力追一名圈中L姓女藝人，報道更公開林子善的錄音：「我攞咗啲預防愛滋病嘅避孕套。」、「我正在床上，聞你殘餘的氣味。」令人嘩然，而林子善於報導曝光後亦火速回應。

情慾錄音女主角再有女子中槍 林子善籲唔好再估：講出嚟無意思

林子善大婚感觸眼紅紅多謝老婆：會當外父外母係自己阿爸阿媽

報導指，林子善跟Kary分手後力追一名女藝人，更火速要求與對方同居，甚至帶她去見鄭嘉穎等一眾好兄弟。但這段情來得快去到更快，個多月後林子善便提出分手，跟Kary重修舊好，最後拉埋天窗，據知原來婚禮前，該名女藝人已將情慾錄音傳至Kary的facebook信箱，惟林子善當時已向未婚妻和盤托出，婚禮順利舉行。

林子善亦於報導出街後火速在其Instagram回應：「多謝大家關心！唔洗膽（擔）心我同太太，睇完新聞後我同佢都笑左出嚟﹗都係我衰成日講笑，對白變左(((情慾短訊)))放心冇影響我兩個嘅心情，但亂UP係我個性真係好難改，依件事係兩年半前發生，不會再昨（作）回應咁多！識我嘅朋友(((你懂的))) 」更貼上一段電影片段，正正是黃秋生講「我攞咗啲預防愛滋病嘅避孕套。」這段台詞，看來今次爆料對林生林太只是增添笑料，完全無影響感情。

至於林太Kary喺31號下晝亦於IG上載一張相，見到佢地兩公婆笑住合照，Kary手上仲拎住呢單情慾錄音嘅報導，留言話：「有我係到Support you唔洗擔心 ﹗雖然你成日亂up，但好在一向互相坦白。多謝各位關心同緊張我地丫，唔會因爲甘少嘅事影響到我地，畢竟已經兩年前嘅事，亦希望佢都早D放低la。」