《飛虎之潛行極戰》向觀眾揭示飛虎隊的鮮為人知的一面，但戲劇始終是戲劇，無法原原本本地將真實的飛虎隊呈現人前。曾任機場特警隊主管及創立反恐特勤隊的警隊前警司黎家智，之前便為《香港01》讀者講解飛虎隊的真實受訓內容，在「Hell Week」（地獄週）中更有不少地獄式訓練，而今次他亦繼續為大家揭開飛虎隊的神秘面紗，解答各位的心中疑難。

【飛虎之潛行極戰】特訓點止跑操場 前警司爆地獄週：9成練體能

記者笑指劇中的飛虎隊個個靚仔，問部門主管是專揀黃宗澤Level的靚仔入隊？黎Sir即笑謂：「其實最緊要都係能力，做得到飛虎隊嘅要求就得。不過，個樣好睇啲會唔會加印象分就真係唔知喇，哈哈。」

提到黃宗澤無論訓練還是出動都Gel個好靚仔All-back頭，問現實中的飛虎隊會否有髮型限制？黎Sir便指飛虎隊只要求隊員髮式正常：「飛虎隊冇規定隊員剪特定髮型，唔會好似入學堂或者機動部隊咁剪陸軍裝，因為飛虎隊好多時要喬裝視察，如果短到一睇就知你係警察就唔得掂，同埋都可以Gel頭嘅。」又話只會在訓練營內限定隊員的衣着。

雖然大家都好清楚警隊設立飛虎隊已久，不少影視作品亦以飛虎隊為題材，但這隊特種部隊形象仍然神神秘秘。其實做飛虎隊隊員是否要神秘到不能向屋企人表露身分？黎Sir話：「其實係可以同屋企人講嘅，始終做到飛虎隊、反恐特勤隊等等都係一件好值得驕傲嘅事。」那麼是否即是代表隊員玩facebook等社交網站時公開自己身分？黎Sir答謂：「玩facebook就冇問題嘅，而網上公開講自己係飛虎呢樣嘢，我哋係唔會阻止，亦都唔會鼓勵。」至於幾時可以Call飛虎出動？是否可以好似劇中O記（有組織罪案及三合會調查科）咁Call得密過叫外賣？我哋之後再講。