網上流傳巴士女乘客裸照 鄧月平:我睇到真係有啲嬲!

撰文:
最後更新日期:

近日於Facebook上的「巴士的事討論區」流傳一位女乘客於疑似九巴的車廂上裸露上身的照片,照片中的少女脫光了上身的衣服,穿着超短牛仔褲坐近窗邊位置,而窗上的玻璃倒影可見一名男子正用手機幫她拍照。事件令到網民嘩然兼引起熱烈的討論,有人指是因為天氣太熱所致,原來鄧月平 (Larine) 亦有看過該張裸照。

鄧月平話巴士女乘客裸照令佢好睇唔過眼。(梁碧玲攝)

Larine今日出席活動時被問到可有看過該張裸照,她說:「我有睇呀,我覺得呢啲相唔應該擺上網。正常一個女仔都唔會喺公眾地方裸露身體仲要影埋啲咁嘅相,更加唔會放上網。個女仔可能有啲問題,需要別人嘅援助,根本唔應該幫佢影呢啲相,就算係佢自己提出都唔可以咁做,見到咁嘅情況應該畀件衫或者褸佢遮住,個男仔應該保護佢先係。我睇到真係有啲嬲!」

Larine原來煲得一手靚湯。(梁碧玲攝)

問到天氣咁熱,Larine有咩消暑妙法,她說:「我啱啱喺泰國返嚟,所以覺得香港還好啦,我朋友喺當地熱到中暑。」好彩Larine無事,她還教大家煲一款消暑靚湯:「煲冬瓜薏米湯,煲半個鐘就飲得,如果想要啲肉味,可以加兩塊飛排,記住一定要係飛排呀。」估唔到Larine唔止樣靚身材正,就連煲湯都有一手,真係出得廳堂又入得廚房。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。